26 қаңтарда Қазақстан Республикасы Цифрлық даму, инновациялар және аэроғарыш өнеркәсібі министрлігінде Қазақстан Республикасының Премьер-Министрі А.А.Смайыловтың қатысуымен кеңейтілген алқа отырысы өтті.

Алқа отырысында министрліктің өткен жылғы жұмысының қорытындысы шығарылып, алдағы жылға арналған мақсаттар белгіленді.

«Қазақстан Ғарыш Сапары» ҰК» АҚ Басқарма төрағасы Айдын Айымбетов «Minerals.gov.kz» жер қойнауын пайдаланудың бірыңғай платформасы және «JerInSpectr» жерді ұтымды пайдалану мониторингі платформасы сияқты жобаларды іске асыру барысы туралы баяндама жасады.

Ол өз сөзінде су ресурстарын ұтымды пайдалану алаңының жоспарлы әзірленуін баяндады.

Айдын Айымбетов ғарыш қызметін дамыту Қазақстан үшін жаһандық бәсекеге қабілеттілік мәселесі екенін атап өтті.

Алқа отырысының соңында Премьер-Министр Әлихан Смайылов қазақстандық жерсеріктерді шығаруға ғарыш аппараттарын құрастыру-сынау кешенін және отандық инженерлерді тарту керектігін айтты.