Бүгін Ұлттық ғарыш орталығында Халықаралық балаларды қорғау күніне арналған «Бала бақыты өз қолымызда!» атты балалар мерекесі өтті.





Мерекеге «Қазақстан Ғарыш Сапары» ҰК АҚ мен «Ғалам» ЖШС қызметкерлерінің балалары шақырылды.





«Балаларды қорғау күні – жарқын, шуақты мереке. Жаздың алғашқы күнінде атап өтілетіні таңқаларлық емес. Жазғы демалыс әрқашан балалар үшін көптен күткен мереке. Біз ересектер ретінде мүмкіндігінше балаларымызға қолайлы жағдай жасауымыз керек. Дүниеде баланың бақыты мен күлкісінен қымбат ештеңе жоқ!», - деп Айымбетов балалар мен ата-аналарды құттықтады.





Сонымен қатар, Айдын Айымбетов көп балалы әріптестерді алғыс хатпен марапаттады. Көп балалы ата-аналар ерекше құрметке лайық екенін айта келе, жас ұрпаққа тән күш-қуаты, қамқорлығы мен сүйіспеншілігі үшін алғысын білдірді.





Арнайы кішкентай қонақтарымызға нағыз ғарыштық тағам, ғарышкердің ғарыштық костюмі және ұшқыш-ғарышкер Айдын Айымбетов Жерге оралған ғарыштық қонуға арналған капсула ұсынылды.





Кішкентай ғарышқа келген қонақтар флешмоб билеп, мультфильмдер тамашалап, шығармашылық қойылымдар қойып, мұражайға барды. Осы ретте Айымбетов әр баламен суретке түсіп, қолтаңба берді.





Сонымен бірге, бүлдіршіндер үшін аниматорлар шақырылып, жасөспірімдер арасында доптармен спорттық эстафета ұйымдастырылды.





Шара соңында балаларға мерекелік дастархан жайылды және оларға Ұлттық ғарыш орталығына барғаны үшін ғарыш белгілері табысталды.


Іс-шараның барлық фотосуреттері сілтеме бойынша: https://disk.yandex.kz/d/G79alZUPCYN9vg